Reagon AGK, kërkon hetime për kërcënimin ndaj Arbana Xharrës

15:22 | 10 Prill 2017
Arbresh.info

Asociacioni i Gazetarëve të Kosovës e ka pritur me shqetësim lajmin se kolegia Arbana Xharra është duke u ndier e kërcënuar pasi persona të panjohur sipas saj, ia kanë vizatuar një simbol në formë kryqi me ngjyrë të kuqe në hyrje të banesës.

AGK, kërkon nga organet e sigurisë, përkatësisht Policia e Kosovës që sa më parë të hetojë këtë rast.

Asociacioni i Gazetarëve të Kosovës thotë se do ta përcjellë me kujdes rastin në fjalë duke kërkuar hetime të shpejta dhe efikase nga organet e rendit.

Ndryshe, kryeredaktorja e gazetës ‘Zëri’, Arbana Xharra është ndier sot e kërcënuar pasi në muret jashtë banesës së saj janë vizatuar me ngjyrë të kuqe disa kryqe gjigantë.

Të njëjtën e kanë bërë edhe në parkingun e banesës së saj, ku ajo zakonisht e lë veturën.

Shpërndaje në rrjete sociale

Lajmet më të lexuara

Të ngjashme

Foto lajm